Er eðlilegt að 14 ára börn séu stödd ein úti í heimi án fylgdar ábyrgra aðila?

Ég bara spyr ... hvað er 14 ára gamalt barn að gera eitt síns liðs á flugvelli úti í heimi? Nú er ég ekki að afsaka flugfélagið og tek undir að það sé óþolandi að lenda í því að vera skilin eftir þegar maður á bókað og greitt flug. En 14 ára gamalt barn hlýtur að vera í fylgd einhvers fullorðins ... eða hvað? Hver er ábyrgð foreldranna!! Eru þessar fréttir ekki orðnar einum of skrítnar af Iceland Express ... eða eru þeir kannski komnir með foreldraábyrgð?
mbl.is „Mjög alvarlegt mál“
Tilkynna um óviðeigandi tengingu við frétt

Sökudólgurinn er ekki trúin, Guð eða Jesú ...

Mér finnst mikilvægt að hafa það í huga að í kynferðisbrotamálum innan kirkjunnar, þá er sökudólgurinn ekki trúin, Guð eða Jesú ... sökudólgurinn er einstaklingur, maðurinn sem fremur verknaðinn. 

Mér finnst mikilvægt að kirkjunnar menn lýsi því afgerandi yfir að þeir harmi af einlægni þau kynferðisbrot og ofbeldi sem átt hafa sér stað innan kirkjunnar og fordæmi slíkan verknað. Kirkjunnar menn eiga ekki að dæma einstaklinginn/gerandann, það gera dómstólar landsins, en það þarf að fordæma verknaðinn. Jafnframt þurfa kirkjunnar menn að fara yfir alla verkferla innan kirkjunnar til að koma í veg fyrir að svona geti átt sér stað aftur.


mbl.is Kynferðisbrot þögguð niður
Tilkynna um óviðeigandi tengingu við frétt

Svo komast stjórnendur fyrirtækjanna hjá því að nafn þeirra sé svert ...

Með því að fyrirtækin viðurkenni brot sín og geri sátt um stjórnvaldssekt komast þau hjá dómi og forsvarsmenn fyrirtækjanna halda nafni sínu hreinu.  Þar að auki er sektin bara brot af því sem hún væntanlega yrði ef  dæmt yrði í málum sem þessum.  Sem sagt, ódýrt og gott:-)

Mér finnst að þeir forsvarsmenn og stjórnendur sem standa í þessum samkeppnisbrotum ættu að fá á sig stimpil sem afbrotamenn, þannig að hægt sé að varast slíka menn.  Það eru ekki fyrirtækin sem framkvæma brotin heldur mennirnir sem þar stjórna.  Sjáið bara kortafyrirtækin sem stóðu í stórfelldum samkeppnislagabrotum og gerðu sátt um sín mál, þar var stjórnvaldssekt upp á um 700 milljónir.  Stjórnendur hjá þeim fyrirtækjum halda ótrauðir áfram, einn orðinn stjórnarformaður í stórum lífeyrissjóði og annar orðinn bankastjóri.  Þetta er ljótt.

Að mínu mati eru þeir sem brjóta samkeppnislög (og önnur lög) óvinir samfélagsins.


mbl.is Viðurkenna ólöglegt samráð
Tilkynna um óviðeigandi tengingu við frétt

Vona að þetta sé ekki satt ....

Ég vona svo sannarlega að þessar aðgerðir séu byggðar á misskilningi og að ekki reynist fótur fyrir grunsemdum um ofbeldishótanir.  Ég er þó alfarið á þeirri skoðum að séu einhverjar grunsemdir á lofti um velferð skjólstæðinga Götusmiðjunnar, þá eigi þeir að fá að njóta vafans, þ.e. skjólstæðingarnir.

Unglingar og ungmenni sem eru vistuð á meðferðarstofnunum eru oftast á afar erfiðu tímabili í lífi sínu og þurfa aðstoð en ekki illa meðferð. 


mbl.is Götusmiðjan íhugar málaferli
Tilkynna um óviðeigandi tengingu við frétt

Hver á að skammast sín?

Ég veit nú ekki hver á að skammast sín meira, Samtök lánþega sem senda út þessa yfirlýsingu eða Már seðlabankastjóri og Gylfi viðskiptaráðherra.  Það er vegna orða hinna síðartöldu sem þessi yfirlýsing er send út (að ég tel).  Þeir tilheyra hópi æðstu ráðamanna þjóðarinnar og þeir verða að gæta orða sinna og gerða.  Mér finnst þessi yfirlýsing Samtaka lánþega í raun ekkert óeðlileg og myndi sjálfsagt taka út allt mitt sparifé ef ég ætti það til.  Allt mitt sparifé fór í að greiða niður gengislán, ath. í auknar afborganir af gengislánum sl. tvö ár.

Ef bankarnir fara aftur á hausinn þá er það ekki vegna þessarar yfirlýsingar.

 


mbl.is Hvetja fólk til að taka út
Tilkynna um óviðeigandi tengingu við frétt

Ráðamenn verða að hætta að hóta landsmönnum

Mér finnst alveg óbærilegt þegar menn í ráðastöðum, eins og seðlabankastjóri, eru að hóta landsmönnum og hræða til hlýðni.  Það getur vel verið að dómsniðurstaðan sé ekki eins og Már vildi hafa hana en hann hefur bara ekkert um niðurstöðuna að segja og getur ekki breytt henni.  Nú reynir hann að fá lántakendur til að gefa frá sér rétt sinn með því að hóta og hræða, allt fari til andsk..... ef við þiggjum að nýta okkur rétt okkar! 

Ég held hann ætti að einbeita sér að því að vinna vinnuna sína með hliðsjón af því sem er að gerast í þjóðfélaginu.  Bara opna augu og eyru og fylgjast með.


mbl.is Hefðu lækkað vexti meira
Tilkynna um óviðeigandi tengingu við frétt

Tek heilshugar undir

Ég tek heilshugar undir með Femínistafélagi Íslands í þessu máli.  Þetta var sorglegt mál í alla staði og varð enn sorglegra með þessari niðurstöðu. 
mbl.is Fordæma niðurstöðu stjórnar KSÍ
Tilkynna um óviðeigandi tengingu við frétt

Ég vona svo sannarlega að ekki verði skorið niður hjá SÁÁ - frekar að auka framlög

Ég vona heitt og innilega að ráðamenn sjái að sér og standi við gerðan þjónustusamning við SÁÁ.  Það starf sem þar er unnið í þágu allra landsmanna er gríðarlega mikilvægt.  Hver sem er, hvaða fjölskylda sem er og í hvaða aðstæðum sem er getur þurft að leita aðstoðar hjá SÁÁ, sem fíkill eða sem aðstandandi.  Starf samtakanna er vandað og metnaðarfullt og stendur öllum til boða sem á þurfa að halda.

Við megum ekki slaka á klónni í þessum efnum -  við eigum að sækja á!

 


mbl.is Krafist efnda þjónustusamnings
Tilkynna um óviðeigandi tengingu við frétt

Afsláttur til eins fer úr buddu annars ...

Að víkja samkeppnisreglum til hliðar getur ekki verið til góðs, ekki núna og ekki á öðrum tímum.  Það ætti miklu frekar að herða samkeppnisreglur og auka eftirlit stórlega á tímum sem þessum til að tryggja það að lífvænleg fyrirtæki sem eru að standa sig verði ekki fyrir barðinu á risum á ríkisstyrkjum.  Núna eru þó nokkuð mörg fyrirtæki rekin af ríkinu í samkeppni við aðila á einkamarkaði, mér dettur nú bara í hug Penninn (ríkið)  og Office 1 (einkarekið)  sem dæmi.  Það verður að gæta að því að "ríkisrekna" fyrirtæki beiti ekki ólögmætum bolabrögðum í samkeppninni í krafti þess "öryggis" sem það er í.

Að gefa aflsátt af samkeppnisreglum má ekki gerast.  Alveg eins og það má ekki gerast að gefinn sé afsláttur af öðrum lögum og reglum.  Við viljum ekki umbera innbrot í fyrirtæki og heimili neitt frekar núna þótt það sé kreppa!  Ofbeldi líðum við ekki frekar núna en áður, t.d. þótt maðurinn sé búinn að missa vinnuna, hann verður pirraður og reiður, þá má hann ekki berja konuna sína neitt frekar núna en áður, þótt núna sé kreppa! 

Hættan á allskonar misbeitingu og ofbeldi eykst örugglega verulega á tímum sem þessum.  Þess vegna má alls ekki gefa út þau skilaboð að það sé í lagi að sveigja af leið sökum "kringumstæðna" sem ríkja núna.  Það á miklu frekar að gefa út þau skilaboð að nú sem endranær skuli farið eftir lögum og reglum og jafnhart sé tekið á öllum brotum, nú sem áður.


mbl.is Víkja samkeppnisreglum til hliðar?
Tilkynna um óviðeigandi tengingu við frétt

Hættum bara að versla við Toyota og Landsbankann!

Mér finnst þetta nú hálf hallærislegt.  Af hverju í ósköpunum á að fella hans skuldir niður frekar en annarra?  Nema þetta eigi að vera fordæmisgefandi .... Ég er með mitt húsnæðislán í Landsbankanum og hefur það tvöfaldast í ástandinu.  Kanski eiga þeir bara eftir að senda mér bréfið sem segir mér að mestur partur lánsins hafi verið felldur niður!  Hlakka til að fá það bréf:-)  Nú ef það er ekki raunin þá á ég þann kost eftir að hætta að versla við Toyota og Landsbankann.  Við ættum öll að skoða það, það hefur virkileg áhrif. 

Án viðskiptavina þrífst ekkert fyrirtæki.


mbl.is Gamli Landsbankinn afskrifar skuldir Magnúsar
Tilkynna um óviðeigandi tengingu við frétt

Næsta síða »

Um bloggið

Andrea K. Jónsdóttir

Höfundur

Andrea K. Jónsdóttir
Andrea K. Jónsdóttir
Samfélagsþegn með skoðanir:-)

Bloggvinir

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband